Croeso i Gartref Preswyl Dolwar
Lle mae gofal, cysur a chymuned yn dod ynghyd
Amdanom ni
Cartref preswyl yng nghanol pentref glan môr Llanbedrog
Yng nghanol pentref Llanbedrog, mae Cartref Gofal Dolwar yn cynnig gofal preswyl cynnes, caredig sy'n canolbwyntio ar yr unigolyn, lle caiff pob preswylydd ei drin ag urddas, parch a charedigrwydd. Os ydych yn chwilio am ofal hirdymor, gofal seibiant neu ofal dydd, mae ein tîm profiadol wedi ymrwymo i sicrhau bod pob unigolyn yn teimlo'n ddiogel, yn werthfawr ac yn gwbl gartrefol.
Fel cartref gofal dwyieithog, rydym yn falch o ddarparu gofal drwy gyfrwng y Gymraeg a'r Saesneg, gan gefnogi pobl i gynnal eu hannibyniaeth cyhyd ag sy'n bosibl, mwynhau gweithgareddau ystyrlon, a bod yn rhan o gymuned glos mewn amgylchedd cyfforddus a chyfarwydd.
Gofal a Gwasanaethau
Gofal Preswyl
Darparu gofal preswyl cynnes a phroffesiynol mewn amgylchedd diogel a chartrefol, gan gefnogi pob unigolyn i fyw gydag urddas, parch ac annibyniaeth.
Gofal Seibiant
Cynnig gofal tymor byr i roi cymorth a seibiant i unigolion a'u teuluoedd, gyda'r un safon uchel o ofal a chymorth ag a geir gan ein preswylwyr hirdymor.
Gofal Dydd
Darparu amgylchedd cyfeillgar a chroesawgar lle gall unigolion fwynhau cwmni, gweithgareddau ystyrlon a chymorth yn ystod y dydd.
Bywyd Dolwar
Adborth Teuluoedd
"Mae'r gofalwyr yn ffeind iawn. Mae Dolwar yn le cartrefol. Mae Mam a Pat yn brolio eu bod yn y lle gorau. Mae pawb yn Gymraeg,, sydd yn bwysig iawn i Mam a Pat."
Merfyn
"Mae pawb yn Dolwar wastad yn glen, gyda digon o amser i'r preswylwyr, teuluoedd a ffrindiau. Diolch genod. 5 seren! "
Jano
Buom ni, y tîm brechu, yng Nghartref Gofal Dolwar heddiw i roi brechlynnau COVID ac RSV i'r preswylwyr, ac rydym yn dymuno canmol eich staff am fod mor gymwynasgar a chroesawgar. Roedd hynny'n cael ei werthfawrogi'n fawr."
Tîm Brechu
"Diolch o galon i chi gyd am wneud breuddwyd Dad a fi ddod yn wir. Roedd cael Dad ym mhriodas William a Mair yn gwneud y diwrnod yn fwy sbesial. Roedd William mor prowd o’i wraig un ochr a Taid ochr arall a diolch i chi ydy hynny am drefnu bob dim. Dwi yn trysori y gofal da chi yn ei roi iddo ac mor ddiolchgar i chi gyd. Mae gweld Dad yn hapus efo chi yn gwneud fy nghalon yn hapus."
Sian